Video
Read full review
2004-05-27
34 views
懷著依依不捨既心情由台北返港，其時己經係夜晚十點，由於第朝又要番工，所以決定在機場是但搵間餐廳醫肚算數～問機場人員點樣可以去burger king，原來過關期間己經錯過左，唔可以行番轉頭食喇，真失望～最後經商議後決定到Popeyes搞掂算數．．同伙伴二人叫了兩件水手雞餐（附鬆餅，沙律＆汽水），水手雞堡餐（附薯條，汽水）同一客爆谷蝦（total $98)．．真係唔係馬後炮，當本人點餐時見到店員後既食物設備之後，己經覺得唔多對勁～設備瀰漫住一種唔專業，實質真係唔清楚，反正就係比KFC差啦～將食物捧到座位後，先試薯條．．唉～整條薯條都被炸得乾爭爭，而且予人一種翻炸既感覺，總括黎講係絕對有資格爭奪全年最差薯條既寶座．朋友話炸雞無KFC咁油，確實！將雞撕開後發覺真係無油滴出，印像唔錯～誰知一咬就出事，雞皮呈硬身，差點損口，雞肉不知是否無油關係，乾爭爭的，如嚼紙皮，連一向鐘愛雞胸既我都對此唉聲四起，其肉質真係可見一班．咬左伙伴一啖水手雞堡，此君味道質感最正常，真後悔自己點左炸雞餐．．爆谷蝦跟鬆餅同樣令人失望，蝦表面基本上同炸雞一樣，呈硬身，蝦味不足，同伙伴邊食邊搖頭，鬆餅則任何味道該欠奉，令人失去
問機場人員點樣可以去burger king，原來過關期間己經錯過左，唔可以行番轉頭食喇，真失望～最後經商議後決定到Popeyes搞掂算數．．
同伙伴二人叫了兩件水手雞餐（附鬆餅，沙律＆汽水），水手雞堡餐（附薯條，汽水）同一客爆谷蝦（total $98)．．
真係唔係馬後炮，當本人點餐時見到店員後既食物設備之後，己經覺得唔多對勁～設備瀰漫住一種唔專業，實質真係唔清楚，反正就係比KFC差啦～將食物捧到座位後，先試薯條．．唉～整條薯條都被炸得乾爭爭，而且予人一種翻炸既感覺，總括黎講係絕對有資格爭奪全年最差薯條既寶座．
朋友話炸雞無KFC咁油，確實！將雞撕開後發覺真係無油滴出，印像唔錯～誰知一咬就出事，雞皮呈硬身，差點損口，雞肉不知是否無油關係，乾爭爭的，如嚼紙皮，連一向鐘愛雞胸既我都對此唉聲四起，其肉質真係可見一班．
咬左伙伴一啖水手雞堡，此君味道質感最正常，真後悔自己點左炸雞餐．．
爆谷蝦跟鬆餅同樣令人失望，蝦表面基本上同炸雞一樣，呈硬身，蝦味不足，同伙伴邊食邊搖頭，鬆餅則任何味道該欠奉，令人失去進食既衝動～
最後糊里糊途食左一件炸雞，幾條薯片同蝦後就草草收場．．
說實在，論炸雞味道，Popeyes遠不及KFC；論漢堡則不及麥記既多原化，看來Popeyes要在香港大展拳腳都有相當的難度．
唉，記起前一日此段時間正在台北各夜市大快朵頤，麵線串燒等等充斥腦海，現在則面對著舊舊硬雞同翻炸薯條．．．無錯，快樂既旅程己經正式結束，聽日就要重投公司既懷抱．．
Post