萬家燒餅皇 (Closed)

上個星期日同男友大人行過，不過上一餐仍未落格，但係又想試，所以買咗一個武大郎返屋企，嗰時仲係暖暖熱熱。返到屋企都大概都過咗成兩粒鐘，當然凍晒啦，我放入個焗爐番熱十分鐘左右，一攞出嚟已經香噴噴，一切開見到好大塊，咬埋落去好香，個皮又好鬆鬆脆脆，而且不失juicy，我同男友大人都一致讚好嘅同時亦困於迷惑當中，因為我哋兩個都覺得肉餡好似羊肉，不過以往食評一致話係豬肉，咁究竟係羊肉定豬肉呢?