地道館麵軒 (Closed)

一開始係見到門口啲相被吸引左入去 見到炭燒豬頸肉 九菜豬紅 日式炒麵 啲相影得好好睇 即管試下入到去見到"米通白汁海鮮"問一問老闆 原來係用米做嘅通粉 就來一碗試下 第一時間梗係試湯先 味道濃厚有層次 夾雜住啲肉碎 方柱形小魚肉條 米通口感夠特別 爽滑煙韌 識食一定連湯食 推介豬紅蘿蔔白最特別係個醬汁 一食落口已經覺得有細個時候嘅感覺 街邊推住架木頭車小販個隻 下次要試埋個佢碟魷魚 再點埋個炭燒豬頸肉 外面燒得好脆 醬汁有啲咸 所以唔洗多 肉汁依然保持住 一啲都唔干。