Video
Read full review
2018-12-23
2865 views
知道中環開咗間新酒樓-八公館， 特意黎試一試。環境都幾闊落，每張枱的距離都唔會好窄。全部用具器皿都係以八角形為主。蜜汁黑豚叉燒腸粉望落去好似皮薄餡靚，但係食落去個皮一啲都唔薄， 叉燒都唔得鬆化。鹵水掌翼份量雖小，不過個鹵水汁味道好香， 掌翼亦都唔會黐牙。黑金流沙包包的皮好軟熟，入面的奶皇做到流沙的感覺，又夠熱。金箔原隻鮮蝦餃蝦餃大隻，新鮮彈牙，個皮亦都唔乾身。 豆豉柚皮蒸鮮肉排柚皮唔會只有一浸油味，排骨都幾新鮮，唔會只係得肥肉。龍蝦湯西施泡飯脆米好脆，冇益味。湯味道適中，不過估唔到泡飯上面竟然係得菜粒，有啲流!新張期間無論係環境、服務、衛生度暫時都幾滿意，希望一路都保持住啦!
環境都幾闊落，每張枱的距離都唔會好窄。
全部用具器皿都係以八角形為主。
蜜汁黑豚叉燒腸粉
望落去好似皮薄餡靚，但係食落去個皮一啲都唔薄， 叉燒都唔得鬆化。
鹵水掌翼
份量雖小，不過個鹵水汁味道好香， 掌翼亦都唔會黐牙。
黑金流沙包
包的皮好軟熟，入面的奶皇做到流沙的感覺，又夠熱。
金箔原隻鮮蝦餃
蝦餃大隻，新鮮彈牙，個皮亦都唔乾身。
豆豉柚皮蒸鮮肉排
柚皮唔會只有一浸油味，排骨都幾新鮮，唔會只係得肥肉。
龍蝦湯西施泡飯
脆米好脆，冇益味。湯味道適中，不過估唔到泡飯上面竟然係得菜粒，有啲流!
新張期間無論係環境、服務、衛生度暫時都幾滿意，希望一路都保持住啦!
Post
