堅信號上海生煎皇 (花園街) (Closed)

今日黎到旺角食上海野，而呢間堅信號都食過好幾次，價錢唔貴，味道好一向都係我既評價。冇食一排，今次再黎餐牌有少許改動，多左好多唔同既套餐。我地叫左豬扒菜飯套餐，咁就有飯，有豆漿，有生煎包又有碟油菜，另外叫左小籠包、蒜泥白肉。以2個人黎講，呢個份量可以飽到上心口。小籠包，皮薄餡多湯汁更多，一啖咬落去真係有小小爆汁既效果，如果唔係嗌左其他食物，真係想叫多籠先夠喉。蒜泥白肉，蒜味濃，配埋薄切既豬肉更加食到豬肉既鮮，豬肉下面重有幾條河粉配住，三樣野一齊擺入口真係多重享受。最後就講下厚切豬扒菜飯套餐，豬扒菜飯份量足，預期話係豬扒，食落更有叉燒既感覺，冇骨啖啖肉好好味，配埋菜飯，如果有多少少汁就更加正啦！另外重有兩隻生煎包，外面煎得脆脆地，入面既肉餡就好淋好juicy，再加碟油菜，同埋豆漿，真係好完滿。