Video
Read full review
2013-12-23
3376 views
上個禮拜女朋友生日，諗黎諗去都唔知食咩好，佢又成日話要食韓國燒，我又唔想去d cheap雞韓國餐廳，所以就第一次去佐阿里朗食。聽人講話阿里朗都幾出名，係香港開佐好多年，成日有唔少名人去果度食野，心諗質素應該唔錯，亦都估價錢唔會平得去邊。當日7點幾到，預先Book佐台所以唔洗等，環境一般，勝在無咩人幾舒服。門口靚靚姐姐帶我入去，有幾個侍應係韓國人不過係味整容既，隔離台係講韓文，所以估依度應該都幾正宗。先黎一堆前菜，個甜薯仔同泡菜好好味，特別係D泡菜都幾入味，同一般超級市場唔同，唔會出好多水之餘辣味適中，問過侍應佢話係正宗由韓國真空空運過黎，不愧係高級貨色。order佐幾樣野燒，有羊肉同招牌特级牛肋骨。侍應幫我地開爐，個爐都幾乾淨睇得出都應該成日保養。佢重教我地點樣燒先最好味。特级牛肋骨口感有D似牛仔骨，雖然厚切，但入口融化，加埋D甜甜地的sauce真係好好味。跟住我地叫佐個辣伴面，一樣都係有人serve我地，不過個面有D辣，本人頂唔順，女朋友食佐一碗之後就停佐手，本人局住要食晒佢....個size都幾大，最好多D人黎分擔下，如果唔係會食唔到其他好野。最後，係D咁開心的日子裡就緊係飲番杯。
聽人講話阿里朗都幾出名，係香港開佐好多年，成日有唔少名人去果度食野，心諗質素應該唔錯，亦都估價錢唔會平得去邊。
當日7點幾到，預先Book佐台所以唔洗等，環境一般，勝在無咩人幾舒服。門口靚靚姐姐帶我入去，有幾個侍應係韓國人不過係味整容既，隔離台係講韓文，所以估依度應該都幾正宗。
先黎一堆前菜，個甜薯仔同泡菜好好味，特別係D泡菜都幾入味，同一般超級市場唔同，唔會出好多水之餘辣味適中，問過侍應佢話係正宗由韓國真空空運過黎，不愧係高級貨色。
order佐幾樣野燒，有羊肉同招牌特级牛肋骨。侍應幫我地開爐，個爐都幾乾淨睇得出都應該成日保養。佢重教我地點樣燒先最好味。特级牛肋骨口感有D似牛仔骨，雖然厚切，但入口融化，加埋D甜甜地的sauce真係好好味。
跟住我地叫佐個辣伴面，一樣都係有人serve我地，不過個面有D辣，本人頂唔順，女朋友食佐一碗之後就停佐手，本人局住要食晒佢....個size都幾大，最好多D人黎分擔下，如果唔係會食唔到其他好野。
最後，係D咁開心的日子裡就緊係飲番杯。韓國燒酒同日本燒酒味道差唔多，感覺好似無咁濃，侍應話依隻燒酒係韓國都幾common，不過係香港就味見有好多地方有得賣。
埋單比我想像中平好多，每人都係2XX，但無論食物、環境同服務質素都比出面的好好多，適合重要時候幫襯。總括黎講，依次黎試到唔少新野，D味道都一流，不錯~
Other Info. :
我覺得餐廳的設計可以再有韓國特色就好了
(The above review is the personal opinion of a user which does not represent OpenRice's point of view.)
Post
