Riso Café (Closed)

呢日放左學之後，就黎呢度食個午餐。都算幾抵食既，四十幾蚊有個小食、主菜同甜品。而且人又唔算多，就入左去食啦。紅粉香蜜一杯好得意既飲品，又唔係太甜既。有蜜瓜味，不過都係士多啤梨味重。蒜蓉包新鮮即烘，所以好好食。蒜蓉味又幾重。白汁火腿煙肉闊條麵闊條麵好煙韌，而且意粉料同個汁都幾夾。而白汁都好重忌廉味。薯角加八蚊就有得食，新鮮焗既，所以好好食。個蜜糖芥茉醬好好味，好襯個薯角。榛子雪山蛋糕都係雪得比較硬，不過個榛子味都好重。都唔錯既，又唔係太貴。而且乜都有得食，唔錯唔錯。