小念頭 (億利工業中心)

Open Now

Now Closed

朋友介紹有一間小清新嘅餐廳喺荔枝角，朋友話呢度嘅氣氛係好輕鬆，令到人哋食嘢都會心情變好，於是今日就約埋佢一齊嚟試吓，結果真係覺得呢度好得意，呢度嘅裝修好多笑哈哈，而且好多街市都係木製嘅，播放嘅音樂亦都係輕快型，食物方面就可以叫套餐再加甜品。睇完餐牌之後，我決定要咗個香煎牛舌芯，佢燒得好好食，牛舌完全唔會覺得韌，加埋醬汁同蔥一齊食係覺得幾出色，另外就要咗一個好特別嘅少少甜多多咸蛋黃飯，佢其實就係鹹蛋黃絲喺白飯上面，咁少少甜喺邊度嚟嘅呢？其實就係嗰包爆炸糖嗰度，你要直接倒落去，再撈埋一齊食，第一次咁樣食飯，真係覺得幾特別，不論口感定味道都好有層次感。另外都加咗一個涼拌蒜蓉麻醬油麥菜，，呢個真係超有驚喜，原來麻醬加辣油係咁好食嘅，佢整到真係好似日本啲小食咁樣，有一種令人意想不到嘅窩心感。飲品方面就要咗一杯冷椰奶奶蓋菠蘿青茶，呢杯都好特別，有菠蘿嘅香味，加埋濃密嘅椰奶奶蓋，真係好味過街邊嘅手搖店好多！至於甜品方面就要咗焙茶金莎巴斯克芝士蛋糕，好creamy，亦都唔會太甜，焙茶味亦都好夠濃。呢間餐廳真係好出色！