雙喜燒臘快餐

Open Now

Now Closed

單拼叉燒飯$43 叫咗個普通嘅叉燒飯，如果唔要飲嘢就$36。其實個份量都幾大，叉燒斬到大大嚿，又唔會話好老。食落去有少量嘅脂肪，所以都幾好味。數埋數埋都總共有七八舊叉燒㗎。啲豉油都冇話慳住落，食到尾啲飯都有啲豉油汁。嗰度啲服務喺傳統嘅燒味店來講都好好，就算係繁忙時間啲侍應好忙都好。當你問佢哋要多啲嘢或者加單，佢哋都冇比面色俾你睇。個餐好快到，好似只不過係坐低咗一兩分鐘飯就到咗。嗰一日去食都算係晏晝放飯嘅時候，以為會好難搵位好爆但係都好快安排到。