來多碗車仔麵 (康寧道) (Moved) New Location

以前係觀塘讀書既時候lunch成日都食車仔麵，真係好懷念以前既味道。今日放工就同舊同學一齊去重拾下回憶。雖然車仔麵已經加價唔少，但三十幾蚊仲有四個餸既真係買少見少！！傳統車仔麵鋪有既餸佢都有提供，仲可以跟餐加野飲，著校服仲免費送野飲tim！！入到黎首先揀好自己要咩麵同餸，係門口排隊買，然後姐姐就會幫你加埋醬汁，連埋野飲幫你搵位坐。咁我就揀左河粉配雞翼尖、魷魚、滷水蛋同豬腸，加左少少辣醬。因為自己本身好好好鐘意食蛋既關係，平時食車食麵好少見有滷水蛋，所以嗌左黎試下。由佢表面睇都已經覺得佢好味，食落去果然同想像中既一樣，連蛋黃都入晒味，鐘意食蛋既人一定要試下！雞翼尖同蛋一樣，都好入味，好有傳統車仔麵既感覺，份量仲唔少tim！然後到豬腸，雖然明知有d唔健康，但每次食車仔麵都會忍唔住嗌。豬腸真係好肥美，雖然食落有少少邪惡，但絕對係車仔麵不可缺少既餸，而且佢處理得好乾淨，唔會有怪味最後飲埋杯檸檬荼就perfect啦！