27
2
4
Level4
643
1
真係成間都係男人負責
2015-10-02 1533 views
為咗慶祝母親節, 特意上OR搵下有乜好推介, 見到呢間餐廳d食評好似唔錯, 於是預早book枱, 而餐廳方面, 會問定駛唔駛order定d咩食物? 咁佢地可以預早安排, 到時唔駛等咁耐, 咁我當然係order定豬仔骨同鹹豬, 兩個主打啦~ 其餘去到再諗~地點唔算難搵, 但楂車就要早d嚟, 因為係泊街邊, 晏咗就冇位, 要去遠d的停車場泊~呢度地方唔大, 而且我地坐响廚房門口, 所以油煙都幾勁, 不過可以睇住班男人, 响廚房走來走去整嘢, 係等食時一個不錯的節目~  雖然係母親節, 但依然有set dinner, 而且都算幾抵食, 於是叫兩個餐, 再散叫一d, 最終係食唔哂, 要打包tim~   餐湯、餐包、薯茸 雖然叫咗兩份set, 但只上得一份, 半枱人share食住先, 但差不多分哂嚟食, 另一個都未上, 追問佢時, 話佢地一有就上咗先, 唔會等齊先上, 另一份整緊, 但奇怪地兩個餐係同時落單, 整呢d唔駛搞咁耐呀?  餐湯 -> 濃濃的忌廉, 好creamy, 好重奶味, 好滑口~  餐包 -> 焗翻熱的麵包, 係一大舊, 切成一份份的size, 有d牛油
Read full review
為咗慶祝母親節, 特意上OR搵下有乜好推介, 見到呢間餐廳d食評好似唔錯, 於是預早book枱, 而餐廳方面, 會問定駛唔駛order定d咩食物? 咁佢地可以預早安排, 到時唔駛等咁耐, 咁我當然係order定豬仔骨同鹹豬, 兩個主打啦~ 其餘去到再諗~

地點唔算難搵, 但楂車就要早d嚟, 因為係泊街邊, 晏咗就冇位, 要去遠d的停車場泊~

呢度地方唔大, 而且我地坐响廚房門口, 所以油煙都幾勁, 不過可以睇住班男人, 响廚房走來走去整嘢, 係等食時一個不錯的節目~
 

雖然係母親節, 但依然有set dinner, 而且都算幾抵食, 於是叫兩個餐, 再散叫一d, 最終係食唔哂, 要打包tim~
29 views
0 likes
0 comments
  
 餐湯、餐包、薯茸
餐湯、餐包、薯茸
28 views
0 likes
0 comments
  雖然叫咗兩份set, 但只上得一份, 半枱人share食住先, 但差不多分哂嚟食, 另一個都未上, 追問佢時, 話佢地一有就上咗先, 唔會等齊先上, 另一份整緊, 但奇怪地兩個餐係同時落單, 整呢d唔駛搞咁耐呀?
 餐湯 -> 濃濃的忌廉, 好creamy, 好重奶味, 好滑口~
 餐包 -> 焗翻熱的麵包, 係一大舊, 切成一份份的size, 有d牛油香草, 好香~
 薯茸 -> 似係自家製, 唔係完全茸哂, 係有d薯粒, 好有texture~

 
 焗海鮮寬條蛋麵
焗海鮮寬條蛋麵
32 views
0 likes
0 comments
 焗得幾乾身, 而且都夠芝士, 一人分到一啖仔, 特別覺得好食~

 德國腸拼盤
德國腸拼盤
27 views
0 likes
0 comments
 有幾款口味, 當然有雞肉同豬肉, 但始終覺得豬肉好味d, 因為質感實淨d, 又濃味d, 雞肉就肉質太散, 冇口感~ 由於腸係好濃味同油膩, 所以旁邊有d酸青瓜同酸菜絲, 等你解下d味, 消下濟~

 燒豬仔骨 (1份)
燒豬仔骨 (1份)
39 views
0 likes
0 comments
 雖然一早order咗, 但始終都係到咗先安排去燒, 所以都等咗一段時間, 不過燒得乾咗d, 唔夠juicy, 頭尾果兩舊乾到柴咁, 而且味道對我地嚟講係太濃, 有少少失望~

 
 蘇豪特式10"薄餅
蘇豪特式10''薄餅
40 views
0 likes
0 comments
 pizza有兩個size, 其實只係想試下, 所以叫咗個10"試下, 又唔知叫咩餸好, 於是叫呢個蘇豪特式, 有辣肉腸、免治牛肉、五香肉粒、火腿、雞肉、芝士, 夠哂多料~ 但佢d芝士唔夠拉絲, 而餅底厚度唔算厚, 但又未係傳統果只咁薄, 我覺得pizza專門店好d食~

 芝士焗咖哩雞皇飯
芝士焗咖哩雞皇飯
41 views
0 likes
0 comments
 個飯係超多汁, 而且太辣, 搞到要"片"開d汁,用大量飯配小量汁先食到, d雞又唔算多, 比d汁遮住哂, 好似尋寶咁, 食得有d辛苦~

 黑松露雲吞
黑松露雲吞
38 views
0 likes
0 comments
 超大只碟, 入面只係得10粒一口雲吞, 其實一啖放入口, 係食唔出佢有咩餡, 當然唔係黑松露餡啦~ 黑松露只有面果少少黑松露汁~ 呢碟一定要多人share, 我地一人食一粒, 連埋d汁, 都已經覺得好"漏", 因為佢個汁實在太cream, 又濃又漏, 如果兩個人食, 分分鐘食完呢個都飽哂, 唔駛食其他~

 德國鹹豬手
德國鹹豬手
45 views
0 likes
0 comments
 好香, 個皮超脆, 好似食薯片咁, 個個爭住食豬皮, d肉比人冷待, 但其實個肉都好好食, 唔會好乾, 又唔太鹹, 但始終唔個皮咁吸引, 又脆又唔油, 伴碟的薯角都係一樣, 熱辣辣脆卜卜~ 但都要食返旁邊的酸青瓜同菜絲, 解一解d熱氣~

 
 凱撒沙律
凱撒沙律
35 views
1 likes
0 comments
 食完d油膩嘢, 食返個沙律, 即刻清哂, 消哂濟, 因為d菜好fresh, 個黑醋酸酸地好開胃, 平時出街都好少叫沙律, 因為覺得又貴又唔夠飽, 唔抵食, 但今餐實在太heavy, 要叫個沙律中和返~

呢度由門面到廚房, 真係清一式男人, 冇一個女人見到, 除咗客人, 真係想知佢地係咪連洗碗都係男人?

(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2015-05-10
Dining Method
Dine In
Spending Per Head
$162 (Dinner)
Celebration
Mother's Day
Recommended Dishes
餐湯、餐包、薯茸
焗海鮮寬條蛋麵
德國腸拼盤
蘇豪特式10''薄餅
黑松露雲吞
德國鹹豬手
凱撒沙律