幸福小路 (Closed)

經常會幫襯CLOVER，一來响屋企附近就腳，二來北角區無論上樓地舖都無CAFÉ，有時想同朋友食下西餅飲杯嘢都難，唔想下下都去星巴克囉﹗環境：鍾意佢綠色格調，座位舒服唔太迫，而且次次去親見啲人都好斯文，夠清靜唔會講嘢大大聲。服務：自己去櫃台落ORDER，所以無咩服務，不過啲員工都算有禮貌。食物：鍾意佢有素食Bagel，用料足，包身脆脆地，似新鮮整起，唔係連鎖店放咗好耐嗰款。下午茶時段跟餐飲品可選基本茶類或加錢轉其他。甜品方面，佢哋有好多蛋糕選擇，賣相精緻，目不暇給，真係要去多幾次先可逐款試哂。總結：北角區食TEA閒聊見客女士聚會最佳選擇，無得輸。