渝味曉宇重慶老火鍋 (聚賢逸居) (Closed)

已經有一段時間冇食麻辣火鍋，今次就趁有機會同朋友一齊去渝味曉宇重慶老火鍋食。湯底揀咗鴛鴦鍋，分別係麻辣湯底及豬骨湯底。麻辣湯底夠傳統重慶味道，豬骨湯底就好鮮昧。今次order咗紐西蘭精品羊肉捲、稻田毛肚、美國安格斯優質肥牛、曉宇苕粉、珊瑚蚌、鮮活海蟶。 羊肉捲一啲都唔騷而且好夠肉味。稻田毛肚就好qq彈牙爽口。安格斯優質肥牛就脂肪分佈平均 ，一啲都唔靱亦都好夠牛肉味。曉宇苕粉即係紅薯粉，夠爽滑索曬啲湯底汁食一流。珊瑚蚌就好新鮮好有海洋嘅味道。招牌菜鮮活海蟶最值得推介，因為真係超鮮甜，呢個我最like。下次同朋友相聚打邊爐我一定會再嚟渝味曉宇。