大阪王将 (Closed)

係銅鑼灣食飯最衰就係平時食開果d去到銅鑼灣就貴咁截仲要質素差，再唔係就高質素但貴到唔係個個肯去。諗住去citysuper個foodcourt羅個平衡啦，點知都係出事。叫左個大阪王將烏冬套餐(好似係)，等等等等好耐無announcement又唔見有野出，原來收埋係後面我問先上水，吹漲。講番食物，烏冬滑係幾滑，無味就唔奇，但我未見過烏冬係可以打晒結，我接受唔到囉。湯無味都無所謂，反正都係味精居多，碗面無咩油算有做過野。餃子六隻痴埋變連體嬰無問題，但又痴唔晒六隻有三隻爆口呢下衰呢，係味道叫做合格但唔係特別出色，去買急凍餃子都唔係太大分別，唔明白點解咁多人話好正。