Video
Read full review
2013-06-25
546 views
平時好少飲襯連鎖既台式飲品店會覺得佢地落好多糖唔想飲糖水但今晚頭痛暈陀陀唔知係咪做野太用神天氣又熱成個人口乾又冇胃口好想飲Ｄ又凍又清甜既飲料於是專程行過黎買左杯好大個餐牌見到好多特別口味都想試花心既我企左係到一陣先簡到最終要左個檸檬冬瓜＋寒天因為口痕想咬野既關係寒天其實係好似ＪＥＬＬＹ但佢比ＪＥＬＬＹ更硬身更彈牙個樣係一粒粒好似大西米咁而且卡路里比其他配料低好多係健康中女之選 叫佢少冰少糖佢話冇得少糖睇番張單原來係無加糖既我飲到佢用既檸檬係打碎左仲會食到有檸檬粒同核但唔會好酸，應該係本身處理檸檬時有加左糖易入口好多同時食到有Ｄ似ＪＥＬＬＹ物體但冇味道既應該係冬瓜蓉整體黎講好滿意入口真係好清新，即刻解決左口淡淡又唔會過甜好似飲糖水咁寒天又多又煙韌好咬非常之唔錯大大杯好抵
平時好少飲襯連鎖既台式飲品店會覺得佢地落好多糖唔想飲糖水
但今晚頭痛暈陀陀
唔知係咪做野太用神天氣又熱
成個人口乾又冇胃口
好想飲Ｄ又凍又清甜既飲料
於是專程行過黎買左杯
好大個餐牌
見到好多特別口味都想試
花心既我企左係到一陣先簡到
最終要左個檸檬冬瓜＋寒天
因為口痕想咬野既關係
寒天其實係好似ＪＥＬＬＹ
但佢比ＪＥＬＬＹ更硬身更彈牙
個樣係一粒粒好似大西米咁
而且卡路里比其他配料低好多係健康中女之選
叫佢少冰少糖佢話冇得少糖
睇番張單原來係無加糖既
我飲到佢用既檸檬係打碎左
仲會食到有檸檬粒同核
但唔會好酸，應該係本身處理檸檬時有加左糖
易入口好多
同時食到有Ｄ似ＪＥＬＬＹ物體但冇味道既
應該係冬瓜蓉
整體黎講好滿意
入口真係好清新，即刻解決左口淡淡
又唔會過甜好似飲糖水咁
寒天又多又煙韌好咬
非常之唔錯大大杯好抵
Post
