丼瀛 (Moved) New Location

觀塘呢幾年多咗好多新餐廳，多咗好多好嘢食，以前剩係得APM有選擇，依家附近好多工商大廈都有好多唔錯嘅餐廳，今日嚟到一間日本餐廳，主打係刺身飯，一入到黎已經見到有個壽司刺身吧，另外亦都分咗室外同室內嘅位置。我哋叫咗三個嘢食💙⭐️藍鯨吞拿魚海膽爆丼$268-有3片新鮮吞拿魚+超爆多吞拿魚蓉+3件海膽，真心新鮮加勁爆多料，除咗刺身新鮮之外，仲有個飯底都好好食👍🏻⭐️蒲燒鰻魚便當$88-有大約半件鰻魚，正路嘅鰻魚汁燒，仲配埋三隻餃子，同埋今餐有飲品+ 麵豉湯送。⭐️鍋燒烏冬$78-烏冬有冬菇，炸雞x2，炸蝦，好多菜同海帶，烏冬係粗身烏冬，可能唔係手打，但煮得岩岩好，唔會太淋。