維記咖啡

Open Now

Now Closed

每一次黎維記都唔敢 Lunch Time，因為由12:30 開始就要排隊，而家重要係夏天時份，幾想食吓個豬潤麵都要忍到2:00 後先去，嘻嘻，今日就2:30先去，但都只係得番少少位，好彩我哋兩個人，點都迫迫哋迫入去坐底先，大家都咁熟所以都唔洗點招待我哋，一黎就叫左個餐潤麵同餐腸米，都係好快的一碗滿到瀉咁濟的餐潤米到先，係我今日比較肚餓定係比少左啲米粉呢，食完都好似唔係好飽咁……往日啲米粉同豬潤都係食極都食唔完，可能維記都逃唔過通脹問題，比少左啲料…..不過無論如何我都係支持維記，事關香港啲哋道嘢真係買少見少，咁如果個老闆見到呢篇文章都可以改善一吓，好食又有特色的舖頭要支持住呀，加少少價我都唔介意，希望可以重拾番昔日食極都食唔完的感覺就最好喇！