Aroma Dessert Cafe (Closed)

作為pancake愛好者，見到呢間嘢有唔少好評就去試下啦，嘩點知都幾難食，唔明點解有咁多人排。嗌咗四樣嘢: 檸檬愛玉，朱古力窩夫，朱古力芭菲同海鹽芝士custard pancake檸檬愛玉就唔講啦，始終嘢飲唔係佢哋主打，都係一般台式手搖店個啲味。個pancake其實煎得都還可以，都叫鬆軟嘅，不過又未去到好有空氣感。個醬真心唔掂，好鹹，得鹽味，一啲custard味都無，同個pancake完全唔夾。有啲評論話似奶蓋，實質佢仲鹹過平時啲奶蓋3,4倍。個糖漿杰到好似鼻涕，有啲難倒出嚟。個雪糕一睇就知道係一球球個啲袋裝雪糕，完全無味，寧願唔好加呢舊雪糕…個cream就似係屋邨麵包鋪用個啲cream，姐係得油味無奶味個啲，都係完全同個pancake唔夾，其實雪糕都算，但cream真係pancake嘅靈魂伴侶，唔好用啲咁cheap嘅cream啦⋯⋯唔記得咗影另外嘅甜品，但個芭菲全部都係用同pancake同一隻cream，應該都唔難想像係咩味。相對嚟講窩夫做得好少少，幾有黑朱古力味，不過出面脆返啲同成舊厚身啲會更好。希望會有進步啦，真心寧願唔加舊雪糕，將買雪糕嘅錢擺落買cream到仲好。