唞唞

Open Now

Now Closed

三個女人已經夠煩，三個女人加兩隻狗簡直災難，朋友生日諗住攪下花臣，去西九放狗慶祝，上網睇咗呢間餐廳好有格調，丁丁揼揼好多酒樽係天花板，又多文青拍藝術照，我呢嘀追酒飲得黎又鍾意扮文青直頭擊中要害，啦啦淋打去book 啦！但原來晏晝時段係要walk-in，帶狗重只有三張枱，冇計啦！爭櫈仔都照去啦！切餅費係100蚊，合理啦～唏！幾好彩！可能行運啦！係多人到行花市咁嘅西九都搵到位喎！我地3點半齊人，準備叫野食之際，佢竟然收起餐牌！原來佢野食到三點半咋！但姐姐好好人，都俾我地叫埋個A5和牛治，我跟手叫埋杯酒，唞順條氣啦！原來佢未到晚市又唔俾叫酒住！故事我有嘞⋯⋯但酒呢？？咁死死地氣叫返杯茶飲下啦⋯等咗半個鐘左右，個牛治到啦！我地又有狗又有人又蛋糕，J相J足成粒鐘，中途又亂入嘀細路呀！愛狗人士呀！場面直頭失控，到食得黎真係凍哂！但奇就奇在，個牛治一嘀都冇揸流攤，一咬落去個牛一嘀筋都冇，重好香牛油味，同舊牛大到凸晒出嚟，真係和牛冇吹水！不過我今日玩足成日，好攰，真係要唞唞