餃餃餃子 (Closed)

朋友新屋入夥真係要搞搞佢 作為餃子控嘅佢 介紹我哋一齊食餐好先黎Chao Chao 餃子， 個底煎得好脆身， 餃子細細隻，一口一隻啱啱好， 肉同菜嘅比例恰到好處，咬落有口感之餘， 又不失蔬菜嘅健康。一下站，生姜餃子， 生薑味唔算重 ，但食落口感好豐富。再黎雞肉芝士餃子， 煎餃子黎， 芝士味極重， 但個人覺得配合埋餃子皮，個口感太得意。雞翼餃子， 同糯米釀雞翼嘅原理一樣， 今次變咗餃子釀雞翼， 味道都唔錯。見到每人必推 ，蟹肉海老特長豪華餃子捧， 個人認為普通咗啲。我喜愛Chao Chao 雞軟骨， 醬油牛油味， 每一粒都炸到夠曬脆口， 醬油味又豐富， 又唔會太鹹， 送酒一流。野飲白桃活乳酸梳打， 餵今晚嘅大便作出打算， 希望乳酸菌幫到我。甜品，朱古力餃子伴雪糕， 估唔到朱古力餃子出奇地好食， 配合埋個雪糕真係冇得彈。