道頓堀御好燒專門店 (K11購物藝術館) (Closed)

疫情其實都少咗好多出街食，但係見近排穩定返啲，就難得出去食返一餐，日日食屋企野真係好悶㗎。咁啱去到銅鑼灣見到御好燒，同朋友就心思思想去自己整同買加有得食。本身佢之前諗住一人一個主食，點知原來佢放題有第二個人半價嘅優惠，於是我同朋友就費事選擇困難症，直接叫咗放題！有燒肉、大阪燒、文字燒、廣島燒、燒肉、仲有粟米等等，兩個人夾埋+1都係$330咋！我哋試完大阪燒同文字燒之後，我哋都一致認為大阪燒係好食啲嘅，因為文字燒好似炒菜咁樣，好散一pat嘢，所以如果真係想有啲餅嘅形狀，大阪燒會好啲囉。環境方面， overall都坐得好舒服，而且近窗感覺上都有叫做有少少景觀，只不過係因為鐵板嘅關係，餐牌同菜單難免都會有少少油膩。同埋，我勁推介五花腩，雖然真係超級肥，但係真係超級好味，減肥只係一個口號。