Video
Read full review
2019-03-17
18 views
旺角真係有超多間cafe，今次同朋友就黎左呢間，首先讚下個名改得幾好，有double meaning！雖然唔算好大，但空間都okay，坐得舒服👍🏻3人或以上就可以叫party set，有兩款揀，兩個都ok既，但貪心既我地就揀左b，好似多啲野食😆😆逐樣野食講，沙律叫左田園沙律，侍應好好人，主動講平時比較多人叫日式芝麻醬，但可能我地沙律都偏好西式既感覺，我地都係叫左意大利油醋汁，其實油醋同沙律都好夾，因為都係帶點fresh既感覺。小食，一上碟我地勁開心，因為真係好多野食，又要讚下侍應溫馨提示我地薯條要襯熱食，所以我地都即刻試左個薯條先，芝士熱得黎唔會稀，醬汁既感覺掛喺薯條上勁夾！真係無得輸🤤🤤另外仲有吉列蝦、雞串、咖哩角、蜜糖雞翼、豬頸肉、粟米墨魚餅，每樣都好惹味，同埋泰式豬頸肉既醬汁，唔係普通嗰個甜辣醬（平時好多都用m記嗰隻泰式辣醬），雖然都係甜酸辣，但食到有啲唔同，可能係因為濃稠度同味道多啲層次既感覺。另外本身我地有啲疑惑個芝士汁焗蔬菜，因為小食裡面爭佢一樣，可能因為要焗就需時，上枱時係熱辣辣既😆😆正～我都特別喜歡芝士或者白汁去焗西蘭花，味道好夾！不過同薯條一樣都要襯熱食先最正。之後就
3人或以上就可以叫party set，有兩款揀，兩個都ok既，但貪心既我地就揀左b，好似多啲野食😆😆
逐樣野食講，沙律叫左田園沙律，侍應好好人，主動講平時比較多人叫日式芝麻醬，但可能我地沙律都偏好西式既感覺，我地都係叫左意大利油醋汁，其實油醋同沙律都好夾，因為都係帶點fresh既感覺。
小食，一上碟我地勁開心，因為真係好多野食，又要讚下侍應溫馨提示我地薯條要襯熱食，所以我地都即刻試左個薯條先，芝士熱得黎唔會稀，醬汁既感覺掛喺薯條上勁夾！真係無得輸🤤🤤另外仲有吉列蝦、雞串、咖哩角、蜜糖雞翼、豬頸肉、粟米墨魚餅，每樣都好惹味，同埋泰式豬頸肉既醬汁，唔係普通嗰個甜辣醬（平時好多都用m記嗰隻泰式辣醬），雖然都係甜酸辣，但食到有啲唔同，可能係因為濃稠度同味道多啲層次既感覺。另外本身我地有啲疑惑個芝士汁焗蔬菜，因為小食裡面爭佢一樣，可能因為要焗就需時，上枱時係熱辣辣既😆😆正～我都特別喜歡芝士或者白汁去焗西蘭花，味道好夾！不過同薯條一樣都要襯熱食先最正。
之後就係主菜啦！我地揀左黑松露海鮮意大利飯同埋抗氧黑蒜忌廉汁意粉。餐牌已經講明個意大利飯有咩海鮮，冇花冇假。其實我係幾鍾意食意大利飯，但好怕煮得硬會''銀''胃，呢間冇呢個問題，食得好滋味😋😋黑松露喺西餐配搭上好似好百搭咁，呢個飯都當然一樣正啦😝。另一個主菜，我地係俾黑蒜吸引左，味道相對勁啲，同埋感覺黑蒜都係啲中式野，配落意粉到又幾得意。
甜品係一口糯米滋，由於太快食左唔記得影😂😂😂不過諗返可以攤一陣先食，因為雪櫃剛拎出黎係有啲實，軟返少少應該更好味。
最後要提下飲品，係任飲既，但就唔係一人一杯，係幾款當中最多選兩款，會一jai jai咁上，仲會有一款是日特飲。我地就揀左荔枝紅茶同巨峰提子乳酸，荔枝紅茶係有荔枝既甜味，再由紅茶中和返，幾好，不過個人更喜歡巨峰提子乳酸，甜甜地酸酸地☺️
另外一提，cafe寫繁忙時間限坐三小時，其實都好好，好足夠😆真係好適合大家來gather!
Post
