大紅袍火鍋料理 (Closed)

係北角，睇完Joan Cornella,就去揾野食，友人記得幾年前食過呢間唔錯，就帶我地再去試下。依家食hot pot 真係可以食得好精，menu有D食物都幾特別，係一間較高檔的火煱店。店主精選推介呢個金屋藏嬌湯底，真係好正！個湯一上枱，就wow左！有半份雞、紅棗、冬瓜、竹笙、娃娃菜，好豐富又有營養的湯底！店主都好招呼，幫我地剪開個冬瓜和雞，又時不時過黎幫我地撇油，很窩心，有在家食的感覺。食物quality excellent, 不單外表精緻，而且很新鮮。味道也很豐富，雞湯没有很多色素、 artificial 的東西，感覺很健康。再試其他火煱料，有桂花蚌、黑松露蟹肉餃、手切肥牛、芝士蝦丸，同埋唔少得凍豆腐和炸魚皮響鈴。每一樣食物都很有質素，肥牛真係好靚又好食，另外招牌餃都可以試下- 黑松露蟹肉餃，幾special，真材實料！