靚煲皇 (Closed)

歲半的B女已嫌棄她的「飯仔」要跟我們出街食飯。每次都要揾間有湯麵的餐廳, 有些悶。今日改去打邊爐, 希望B女喜歡。揀間在openrice評語不錯而且街坊價錢的「靚煲皇」評語不錯。 (地址寫大角咀, 其實都好近旺角地鐵站, 好彩!)「靚煲皇」名字好local及街坊, 門口放了幾張枱櫈冬天坐外面氣氛不錯, 但是夏天都是躲入有冷氣的室內最好!室內不太大, 但有電視。而且每張枱有藤籃方便客人放袋, 又有3層鐵架放火鍋料, 比出名的火鍋店更貼心。最特別除有免費wifi外, 竟然有usb方便客人叉電 真厲害。店員先送上2款免費小食, 脆花生及麻辣青瓜豬手。這個自家製麻辣青瓜豬手幾惹味, 豬手起骨再切粒, 每粒都有豬皮及豬軟骨, 充滿骨膠原, 爽口又有質感。醬料只有葱花、辣椒粒、炸蒜蓉、生蒜蓉及芫茜。選擇比較少但竟然要$10/位。最後這醬料比較失色, 可能缺少了沙茶醬、麻油這些香口醬料。湯底有多款選擇, 店員落力推介她們的皇牌湯底靚煲皇$238, 可惜只有我、老公及小B恐怕太多最後揀了冬瓜瑤柱鍋$68。這湯底有不少冬瓜、瑤柱粒及什菌。湯底清甜, 適合我這類怕熱氣的人。火鍋料選擇大路, 價錢大衆化。我