石磨坊 (Closed)

行街勁熱，想買下野飲又無乜好揀，見到糖水舖開門就入左黎，第一枱客。啲枱好迫下，無其他人就ok啦，冷氣好涼。叫左一個雪耳木瓜糖水，一落單即黎，幾甜下，幾好。另一個叫左西瓜涼粉冰，唔知係咪一早整定，個刨冰硬到爆，都唔知點食好，唔通要成舊拎起咬？好甜，可能係因為舊冰唔溶，淨係食啲西瓜同涼粉，冰咬左一半。見之後幾枱客叫冰都篶得開，或者比多次機會試下第二樣，廿幾蚊咁熱天hea下都算ok嘅，合格啦。