Freshness Burger (Closed)

之前食過一次freshness burger，曾講過絕對唔會再幫襯。不過今日都係幫襯左佢，因為佢正正係HKU對面，實在太方便，我唔駛再行上行落，而且我又得好少時間。所以就係度買個包拎返OFFICE食，雖然我係外賣，但我都無要佢個袋，就咁拎住個包就返HKU啦。買左個特級牛肉芝士漢堡，因為睇哂所有都係覺得呢個最吸引，只買漢堡索價$33，如果跟餐就要加多$24。我買既時候一個客人都無，入面D店員都好似好得閒咁，睇黎無咩生意喎。個包拎到返OFFICE都仲熱辣辣的，打開賣相比我上一次於旺角吃的好，感覺起碼較認真。看到很多醬汁如茄汁和芥辣，但它們也沒有搶了包的味道。依舊勁多洋蔥，不過洋蔥味也不算很突出，是可以接受的。蕃茄生菜也算是新鮮，而且生菜脆脆的，挺不錯。主角牛肉較乾身，真係無咩肉汁。不過都好在有D炭燒味，同埋牛肉味都算夠的，但反而唔係好食到芝士......吃畢這次依然覺得呢間D BURGER真係麻麻地，有得選擇我都唔會幫襯，不過又覺得今次已經比我上次食好食左好多，下次如果再無選擇既情況下我都願意買佢黎食的。