麵屋丸京

Open Now

Now Closed

有4款拉麵，我地點左6塊真叉燒拉麵，同埋一叉燒半一半真叉燒的拉麵，仲有炸雞同桃味梳打、蘋果梳打。晚上都幾多人，我地等左10分鐘就可以入座。好豐盛呀，成枱都係肉呀，勁多叉燒。真叉燒拉麵 $108揀左清湯，有醬油湯底加豚骨湯嘅味，好飲唔膩。真叉燒肉質較嫩，好似ham咁嫩嫩地，肉感滿滿。幼麵口感很好，硬身d，但都掛到湯汁，份量唔多，不過食完好飽。丸京拉麵 $100有3塊叉燒及3塊真叉燒，可以一次食到2款叉燒，口感唔同。叉燒偏硬肉質，但肉味突出，有咬口，係傳統叉燒味道。流心蛋超正，好濃蛋香，入口爆發蛋黃流心，滿足。七味炸雞 （5件）$35，份量大又抵食，不過油左d碟底超多油，加左七味粉，香辣酥脆，雞肉嫩彈好咬。蘋果梳打 $22桃味梳打 $22兩款都果味重，富果香，甜美梳打，有氣飲品好清爽。