古早味休閒台灣 (Closed)

話說就嚟放假，總係會好離開香港抖下氣，好可惜事與願違，唔係次次都咁好彩可以飛下散吓心！通常我好鍾意去台灣因為嘢食好味又夠近，但終於唔使飛去台灣先食到好食嘅台灣野啦！今日去到旺角呢一間餐廳，真係非常非常方便。一入到去坦白講裝修冇乜台灣嘅風味，開頭係心諗試伏。點知食落去啲食物先知道真係台灣古早味！食咗五六個餸，我覺得佢嘅蚵仔煎同台灣嘅好唔同，台灣嘅好多粉，所以食落去好飽又濟，但係佢呢一間餐廳嘅用好少粉，用咗一個蛋皮，食落香口得來又唔會太膩！真係要試！另外亦都食咗好多雞！佢嘅五味雞幾滑，五隻醬，啱啱五舊雞可以每人試一啲。最後必須要讚佢嘅糖水，必定必定要試佢嘅芋圓啊！講真全個餐廳最有台灣風味就係呢一個糖水！我真係以為係喺九份食緊！所以真心推介！