Burgerman (埃華街)

Open Now

Now Closed

今日行街食飯經過見到依間外表似酒吧嘅漢堡店，就行入去望下，每款漢堡都好吸引，又想食試燒菠蘿漢堡，又見到店舖推介嘅和牛漢堡就忍唔住叫咗，由於即叫即整嘅關係，等咗10分鐘左右就上菜，先試咗個薯格，新鮮出爐嘅關係又熱又脆，配菜除咗薯格外仲可以揀有皮薯條或者沙律（女仔覺得太熱氣嘅話可以叫沙律）格面上有手套提供，幾貼心下，唔駛擔心整污糟隻手，另外仲有調味醬，唔夠可以加。然後試主菜和牛漢堡！漢堡表皮外脆內軟，咬落去成口汁，口感幾新鮮，但有啲後悔冇加菠蘿，食到一半有啲乾身，汽水轉綠茶應該會再好啲！