幸福週末 (Closed)

原本唸住去買啲台式飲品，尼條街選擇好多。但見尼間似係小舖，近排銅鑼灣生意都唔好做，唸住支持下。點知叫咗檸檬西柚茶，要走糖唔走糖，要走冰唔走冰。明明客人唔多都沖咗杯有冰嘅，仲格硬執走啲冰粒當走冰，事實杯嘢係好凍兼加咗好多糖漿。做台式飲品，走糖走冰係好基本，咁都做唔好真係無推搪嘅藉口。而且水果茶差唔多價錢一般都係好高身大杯，尼度個杯就係麥當勞中可樂嘅 size, 茶嘅味道好怪，唔係台灣茶嘅味道，唔會再幫襯。