紅堂 (Closed)

最近可能因為天氣有啲冷嘅緣故，總係非常非常想食火鍋，覺得熱辣辣真係好好食，而且啲肉點上個好食既醬到簡直係滿分。就係因為咁樣嘅緣故，今次專登想去搵一間火鍋嚟食下，然後見到最近喺銅鑼灣開咗呢間火鍋餐廳就過咗嚟試。同朋友黎食，叫咗兩個午市火鍋，另外加多一客鮮蝦雲吞、梅菜豬肉丸，同埋一份西班牙霜降肉。食物素質全部都幾好，梅菜豬肉丸真係好似食緊梅菜肉餅咁。係雙拼嘅湯底，一邊辣一邊唔辣，辣嗰邊一開頭可能無咁辣，但會越食越辣，總體而言係最近食過最好食嘅火鍋，湯底同埋食物素質都非常好，朋友都大贊。