師父飯堂

Open Now

Now Closed

見到呢間餐廳好多好評，決定一試，揀個自己最中意食的鮮茄焗豬扒飯。一擺上檯，已經失望，堂食都用錫紙盤，中意食焗飯的人都唔會收貨。去到連鎖快餐店，如果用錫紙盤，我寧願叫其他食物。既來知則安知，可能味道好，可以挽回分數。不過，一移開塊豬扒，就確認中伏。飯無炒底，配料及茄汁少得可憐，飯仲要係al dente，有少少生米，好似食緊risotto，可能係一生中最難食的焗豬扒飯。耳機傳來林奕匡既高山低谷，忽然諗下食呢餐飯係為生活定係為生存呢。見到其他人都係食意大利粉，可能意大利粉做得很好食。可惜呢個焗豬扒飯做得比任何一間連鎖快餐店都差，其實何必放在餐單中呢，專心做好拿手食物就夠。