Knead (Closed)

呢間店開嘅時候好大寄望，因為鰂魚涌無咩好三文治店，所以開咗即刻去試，一般啦，間唔中食都可以。點知越做越差，今日買咗兩個自選三文治做晚餐，Chicken Schnitzel 三文治 HKD 63，Ham 三文治 HKD 60，本來兩個都要 rye bread，店員話唔夠做兩份，唔緊要，雞嗰份要咗 Turkish bread。邊等邊出汗，喺得一個客嘅情況吓都熱成咁，唔敢想像繁忙時間係點。返到屋企即刻開嚟食，一咬個 Turkish bread 隻門牙即刻痛，係好韌，好難咬！放棄麵包齋食餡，俾 d 餡嚇親：d 雞肉連炸嗰個皮，最厚都只係 1cm！好耐無寫食評，今次忍唔住要即刻寫。HKD 63 換嚟嘅係而家仲好肚餓，我諗我唔會再去。