快樂蜂 (干諾道中)

Open Now

Now Closed

平時環球大廈附近間Jollibee太多人，外賣又唔知拎去邊度食好。 而家係同區有多個選擇，雖然地點冇環球個間咁方便，但起碼冇咁迫。價錢方面佢比KFC貴，但真係好食過KFC！影相睇落啲雞好似唔係太大件，但真實既佢其實係幾大件。 雞脾同雞胸都啖啖肉!!肉質仲好嫩滑！！！同埋件雞係超熱，熱到辣嘴 (唔知係咁啱炸起定點) 至於食炸雞既另一重點就係塊雞皮，夠脆夠薄！正！但後來我發覺原來佢個蘑菇醬汁先至係成個餐既精髓！味道好濃郁！個醬夠我每啖雞肉都沾上蘑菇醬。但可惜蘑菇飯就冇預期咁好食。我覺得佢呢個蘑菇醬同點雞個個有啲唔同。肉眼已經見到顏色上既差別，蘑菇飯個汁係淺色啲，食落都淡味啲。所以最後我用剩餘點雞既汁撈飯食，即刻好味左。至於香芒蜜桃批都好好味！中間既餡好豐富，酸酸甜甜既芒果同桃味，幾開胃。但size比m記既批差不多細一半，如果可以大個啲就好。