美國燒扒屋 (Closed)

呢間餐廳其實已經食過幾次， 每次都係食晚餐， 通常平日去都有位，唔需要點等，因為餐廳都頗大~晚餐選擇豐富，有出名嘅扒餐之外，仲有蛋包飯，想輕食啲嘅都有蕃茄湯螺絲粉餐等等~今日我地就叫咗一個煎雞扒拼番茄螺絲粉嘅田園餐，一個穀飼牛扒餐仲有燒羊架餐根扒餐嘅羅宋湯蔬菜好多，而且面頭唔會好多油，番茄嘅酸味啱啱好之後呢嘅田園餐雜菜沙律好大碗，鮮茄螺絲粉入面仲有香菇同埋粟米同一兩棵西蘭花最開心嘅係雜菜沙律係用麻雀唔係沙律醬 螺螄粉因為有香菇同粟米一齊食唔會好寡， 同埋成碗都係滿滿的螺絲粉，好大碗好夠飽 而且好有口感雞扒煎好香，鷄肉仲算嫩唔乾穀飼牛扒配薯菜黑椒汁， 牛扒好淋而且好有牛味！ 一路切都有啲肉汁滲出嚟 薯菜都好夠食，有車厘茄，西蘭花，粟米同薯角，仲有一大堆洋蔥燒羊架配白飯， 羊架有四隻，四隻都燒得好淋，一啲都唔靱，而且帶有少少羊嘅騷味，係好食嘅最後凍飲加五蚊仲有得加大一百蚊都唔使嘅一個扒餐，咁豐富，質素又唔差，其實真係好抵食！