樂心冰室

Open Now

Now Closed

過年頭幾日假期都要返工，係依幾日先補返假期，過年氣氛都冇晒。加上疫情影響，又要掃描個政府app 先入得去食野，本來就更唔想出街。難得阿媽話想去銅鑼灣買野，咁就去咗。我阿媽都係有要求之人，平時好少聽到佢讚邊間餐廳好食。今次隨機去到樂心，都係我好耐之前去過，同埋有少少攰，所以就入去。門口又要量體溫又要掃描，店員話唔洗急可以入咗去先，原來佢地個個位都有一張二維碼，真係聽明。我叫左下午茶雞脾沙律，阿媽就叫餐蛋治烘底。佢隻雞脾好有肉汁，唔係棄你型。重點係個烘底，要加$1，好耐冇食到咁脆口既烘底。我阿媽仲話加$2都肯比，可見質素。其實有冇心做食客一食便知，淨係睇件烘底就知係用心之作。