新桂香燒臘

Open Now

Now Closed

知道新桂香好耐，以前出名係燒排骨! 好耐之前試過真係好食! 大大話話話幾年未再食過，見綱上評論毀譽參半，又咩揾笨全肥又咩香港第一，好吊詭!咁大差別真心想試多次公道D寫下好唔好食! 平日下午點幾仲有叉燒賣，問下如果下晏5點幾洗唔洗拎定籌，亞師傅回應3點5點仲有出爐，平日唔洗攞籌，黎排隊可買到! 咁就5點鬆D去排隊，龍唔係好長，10 個左右! 嘩！D叉燒靚到癲排隊見到狂吞口水! 到我啦到我啦！原條3粒外賣成為兩舊水! 個汁係完美地將條叉燒封住，油光满滿! 食前用碟盛著放飯煲面翻熱，香到企唔穩! 以叉燒黎講我唔敢講係咪第一，但绝對物有所值! 酒店中菜廳一碟黑毛叉燒接近3舊水，新桂香以平民叉燒黎講算貴,但值! 一舊肉有齊爽、淋、肥、滑嘅口感確係唔簡單! 仲有，****記得叉燒係一定要單買**** 唔好叉x 飯，完全唔係嗰回事! 仲有，如果要食瘦叉我勸你不如唔好食!唔诜同師傅講咩切细舊D! 師傅切嘅厚度係最適中嘅大舊叉燒! 嗱！購買貼士講左啦， 非常建議一試嘅!