Video
Read full review
2021-03-31
222 views
平時唔多寫食評，但呢間啲食物真係好好味，要記低佢，推薦大家去。間餐廳本身喺商場入面嘅一條「食街」，周圍環境設計幾特別，亦都坐得舒服。食物方面首先有香脆嘅香草包，可以點落好香濃嘅黑松露忌廉湯一齊食味道好夾，仲有個好足料嘅華道夫沙律，有哂蘋果薯仔合桃提子乾西芹，下面再加左啲新鮮嘅沙律菜，大份得嚟又唔會食飽咗。頭盤我哋揀左香炸車打芝士青辣椒配香脆洋蔥圈，芝士夾埋青辣椒一齊炸，又薄又脆嘅炸皮一咬開啲芝士就爆出黎，好特別，不過就略為有啲膩口。主菜揀咗紐西蘭羊鞍扒配honey basil sauce，4塊厚厚嘅羊鞍扒一上菜我哋就即刻趁熱食，叫咗四成熟，肉質好嫩，而且好多肉汁，個羊鞍扒煎得夠香，亦冇好大陣羊羶味遮過晒啲羊肉味，再配埋個honey basil sauce真係無得輸。另外仲要咗個墨魚汁鮮帶子海蝦扁意粉，帶子同海蝦都大大隻，墨魚汁扁意粉好香好濃郁，配埋海鮮嘅鮮甜味道一流。嘢飲要咗一杯偽鴛鴦同埋拖肥薑鮮奶，杯拖肥姜鮮奶比例啱啱好飲得出拖肥同薑嘅味，而且好rich。偽鴛鴦係朱古力再加咖啡冰磚，好似飲緊mocha咁!今次淨係試咗呢幾款嘢食已經好滿足，全部都大大份，下次要再去試埋佢嘅漢堡同埋牛扒先
間餐廳本身喺商場入面嘅一條「食街」，周圍環境設計幾特別，亦都坐得舒服。
食物方面首先有香脆嘅香草包，可以點落好香濃嘅黑松露忌廉湯一齊食味道好夾，仲有個好足料嘅華道夫沙律，有哂蘋果薯仔合桃提子乾西芹，下面再加左啲新鮮嘅沙律菜，大份得嚟又唔會食飽咗。
頭盤我哋揀左香炸車打芝士青辣椒配香脆洋蔥圈，芝士夾埋青辣椒一齊炸，又薄又脆嘅炸皮一咬開啲芝士就爆出黎，好特別，不過就略為有啲膩口。
17 views
0 likes
0 comments
主菜揀咗紐西蘭羊鞍扒配honey basil sauce，4塊厚厚嘅羊鞍扒一上菜我哋就即刻趁熱食，叫咗四成熟，肉質好嫩，而且好多肉汁，個羊鞍扒煎得夠香，亦冇好大陣羊羶味遮過晒啲羊肉味，再配埋個honey basil sauce真係無得輸。
20 views
0 likes
0 comments
另外仲要咗個墨魚汁鮮帶子海蝦扁意粉，帶子同海蝦都大大隻，墨魚汁扁意粉好香好濃郁，配埋海鮮嘅鮮甜味道一流。
嘢飲要咗一杯偽鴛鴦同埋拖肥薑鮮奶，杯拖肥姜鮮奶比例啱啱好飲得出拖肥同薑嘅味，而且好rich。偽鴛鴦係朱古力再加咖啡冰磚，好似飲緊mocha咁!
今次淨係試咗呢幾款嘢食已經好滿足，全部都大大份，下次要再去試埋佢嘅漢堡同埋牛扒先得。😋
Post
