Video
Read full review
2018-08-07
47 views
第一次打咁長篇食評，因為真心想讚揚Q1Q1 – 一間唔只令我味覺滿足, 仲令我心靈滿足既越式小店今晚好高興遇上Q1一直都聽聞過佢深水土步既大名, 因為佢o係唔少飲食雜誌出現過，亦都聽聞過身邊有唔少人對佢既湯濛, 撈濛, 沙冰, 咖啡, 越式麵包都讚不絕口，但因為本人住港島既關係，所以遲遲都未有機會去親身見証佢既魔力。 今晚好偶然機會下見到佢原來係天后已經有分店，所以完全沒有猶豫地就衝左入去。入到去第一印象幾好，因為成間餐廳好乾淨，雖然冇好特別既裝潢，但店員既親切積極有禮貌既態度令到我覺得好舒服，其中一位係來自越南既叔叔，原來係當店老闆何生，佢有一副好慈祥既笑容。佢最值得欣賞既地方就係即使餐廳幾忙都好，佢都會主動走上前向客人打招呼，了解一下客人對食品意見，從而知道邊方面需要作出改善。今晚我點了佢其中一項必食推介：蟹羔番茄湯檬我第一眼見到呢個碗時，我呆左！因為真係好足料 （有蟹羔、豬紅、扎肉、豆卜、蕃茄同埋生菜）蟹羔相當有份量，厚厚的蟹羔加上蒸蛋原來是絕配；豬紅豆卜非常入味；札肉亦相當厚切，味道跟之前係越南食既一模一樣 （細問之後札肉係越南運過來的）；湯底雖然睇落去好淡，但當你飲完第一啖湯
Q1 – 一間唔只令我味覺滿足, 仲令我心靈滿足既越式小店
今晚好高興遇上Q1
一直都聽聞過佢深水土步既大名, 因為佢o係唔少飲食雜誌出現過，亦都聽聞過身邊有唔少人對佢既湯濛, 撈濛, 沙冰, 咖啡, 越式麵包都讚不絕口，但因為本人住港島既關係，所以遲遲都未有機會去親身見証佢既魔力。
今晚好偶然機會下見到佢原來係天后已經有分店，所以完全沒有猶豫地就衝左入去。
入到去第一印象幾好，因為成間餐廳好乾淨，雖然冇好特別既裝潢，但店員既親切積極有禮貌既態度令到我覺得好舒服，其中一位係來自越南既叔叔，原來係當店老闆何生，佢有一副好慈祥既笑容。佢最值得欣賞既地方就係即使餐廳幾忙都好，佢都會主動走上前向客人打招呼，了解一下客人對食品意見，從而知道邊方面需要作出改善。
今晚我點了佢其中一項必食推介：蟹羔番茄湯檬
我第一眼見到呢個碗時，我呆左！因為真係好足料 （有蟹羔、豬紅、扎肉、豆卜、蕃茄同埋生菜）
蟹羔相當有份量，厚厚的蟹羔加上蒸蛋原來是絕配；豬紅豆卜非常入味；札肉亦相當厚切，味道跟之前係越南食既一模一樣 （細問之後札肉係越南運過來的）；湯底雖然睇落去好淡，但當你飲完第一啖湯之後就會知道入面既精髓：好新鮮既蕃茄清湯撘配蟹肉既鮮甜，而且湯底夠熱。我終於明白呢個湯濛令咁多人上癮既原因了。
至於我另一位朋友所點的蟹羔火考豬肉飯係天后分店既限定。
呢個蟹羔跟湯濛的那個都一樣是厚厚的，但唯一分別就係呢個蟹羔除左加蒸蛋外，仲有蘿白同埋木耳，再配上好香肉質好軟既考豬肉，送飯一流！
另外一個我朋友點的牛展麵亦係天后分店限定。即使呢個湯底用豬骨肴製，但完全唔油膩，味道好清甜。根據何生描述，呢個牛展麵湯底需要剛剛好６小時用林豬骨肴製而成，不多不少，才能肴出豬骨湯既鮮味。仲有值得一讚係個麵，呢個貌似米線既麵比米線滑仲好有口感，食完一整碗都唔會有好脹胃既感覺。
另外我地再點了呢個沙甸魚法包
呢個沙甸魚法包，法包外脆內軟，入面有大量芫茜，葱絲，醃紅白蘿蔔，一條青瓜條同埋大量沙甸魚碎，食後感清新香口，不會太酸
口感層次很豐富。醃紅白蘿蔔配沙甸魚絕對有驚喜，好食！！
個晚我地跟老闆何生傾左一陣，發現Q1既每一樣食物飲品看似簡單，但原來背後需要花好多時間心血去調製。Q1營業時間由朝早11點至9點，但佢地每朝7點就要到舖預備食材，準備湯底，務求把最新鮮既食材味道帶俾客人。我問佢會否厭倦呢種沒有休息的生活，佢話只要見到客人享受食物滿足既樣子，所有既辛酸都係值得。呢種敬業樂業精神真係好值得我地學習！
今晚好高興遇上Q1，佢令我有著完滿既一夜。
Post
