七重天餐廳

Open Now

Now Closed

印象中細個嘅時候喺北角食過一間同名嘅餐廳，今晚嚟到筲箕灣再試，出乎意料地好味！我哋叫咗晚市套餐，一個蜜糖烤雞扒飯，一個厚切鹽燒牛脷意粉，每個餐都跟紅或白湯、蒜蓉包同埋餐飲，我哋揀咗紅湯，簡直係驚喜地好飲，紅湯味道非常濃郁，帶少少辛辣，湯嘅鹹唔係落重鹽或味精嘅死鹹，飲得出喺湯裏面嘅材料熬出嚟嘅味道。蜜糖烤雞超級大塊，雞皮煎到脆卜卜，又有蜜糖嘅甜味，非常香口，雞肉非常嫩滑，食晒係會有少少滯，但味道非常好！牛脷雖然得兩片，但非常厚身，而且煮得好腍，鹽燒嘅鹹味亦都調校得恰到好處。個人覺得呢間餐廳嘅質素非常好，希望推介俾其他人嚟食，唔好埋沒咗好嘅餐廳。