麗都軒

Open Now

Now Closed

Item: Lido Heen
Rating: 5
Author: sonam1123

Lido Heen

4.5

15 Reviews

Taste

Decor

Service

Hygiene

Value

594

Tsuen Wan

$101-200

Guangdong Dim Sum Hotel Restaurant

sonam1123

Level1

今晚又同朋友黎帝景酒店食飯啦! 帝景酒店之前都黎食過幾次, 都係由朋友介紹, 先知原來黎間酒店既食物都做得十分之有水準, 由其酒店社交平台講之前提供自助餐既餐廳轉做中餐, 就即刻同朋友黎食飯。餐廳入面既裝潢跟之前自助餐既裝潢分別唔大, 好好彩, 餐廳提供左近窗既位置, 一面用餐, 一面欣賞日落, 真係好令人賞心悅目餐廳經理知我地第一次黎, 推介晚市套餐俾我地, 我地揀左貴少少$428果個DINNER SET, 因為入面D菜式好吸引, 又有花膠, 蟹蓋, 鵝肝和牛等既菜式。首先就係一個前菜PLATTER, 有純米吟釀鮑魚, 黑金沙豆腐同埋胡麻醬無花果。鮑魚真係十分之入味, 入口有淡淡酒香, 又食得出鮑魚鮮味, 好出色。黑金沙豆腐有層黑色既脆皮包住軟滑既豆腐, 口感特別。無花果同胡麻醬好夾, 自己本身好鐘意食無花果, 又鐘意胡麻醬, 所以非常滿意呢個配搭, 無諗過可以係一間中餐廳食到呢D比較西式既菜式。之後就食菜膽羊肚菌燉白花膠, 塊花膠真係好厚好大, 絕對值回票價, 燉湯飲落去好濃郁, 飲得出廚師落足材料去燉, 飲完都覺得補充左D骨膠源再黎就係花雕蛋白煎元貝玉帶，個蛋白表面非常平滑, 入

Read full review

今晚又同朋友黎帝景酒店食飯啦

! 帝景酒店之前都黎食過幾次, 都係由朋友介紹, 先知原來黎間酒店既食物都做得十分之有水準, 由其酒店社交平台講之前提供自助餐既餐廳轉做中餐, 就即刻同朋友黎食飯。

餐廳入面既裝潢跟之前自助餐既裝潢分別唔大, 好好彩, 餐廳提供左近窗既位置, 一面用餐, 一面欣賞日落, 真係好令人賞心悅目

餐廳經理知我地第一次黎, 推介晚市套餐俾我地, 我地揀左貴少少$428果個DINNER SET, 因為入面D菜式好吸引, 又有花膠, 蟹蓋, 鵝肝和牛等既菜式。

首先就係一個前菜PLATTER, 有純米吟釀鮑魚, 黑金沙豆腐同埋胡麻醬無花果。鮑魚真係十分之入味, 入口有淡淡酒香, 又食得出鮑魚鮮味, 好出色。黑金沙豆腐有層黑色既脆皮包住軟滑既豆腐, 口感特別。無花果同胡麻醬好夾, 自己本身好鐘意食無花果, 又鐘意胡麻醬, 所以非常滿意呢個配搭, 無諗過可以係一間中餐廳食到呢D比較西式既菜式。

37 views

2 likes

0 comments

之後就食菜膽羊肚菌燉白花膠, 塊花膠真係好厚好大, 絕對值回票價, 燉湯飲落去好濃郁, 飲得出廚師落足材料去燉, 飲完都覺得補充左D骨膠源

再黎就係花雕蛋白煎元貝玉帶，個蛋白表面非常平滑, 入口感覺嫩滑。元貝煎得岩岩好, 而且食落去好有海水味, 同淡味既蛋白非常夾。

然後到左我一直非常期待既菜式 – 櫻海老海皇焗蟹蓋。蟹蓋一直係酒店既SIGNATURE DISH, 之前我係帝景酒店都食過, 一直都念念不忘。蟹蓋一如以往都係咁足料, 每一啖都有好多蟹肉絲同埋帶子絲, 超級滿足

跟住就食番少少蔬菜 – 鮮菌翠竹映沙窗, 坦白講, 未上菜果陣, 諗住都係一D炒好既菇菌類菜式, 對佢無乜期望, 點知原來款菜式既PRESENTATION好特別, 用一個鍋巴係裝住香炒菇菌, 伴菜係南瓜釀竹笙。我自己覺得成個菜式設計得好好, 感覺上廚師想一次過呈現唔同口感，俾人一次過滿足脆、香、軟、爽。