Contrast

Open Now

Now Closed

下午茶想食個甜品，見到朋友介紹呢間有一個好吸睛嘅窩夫甜品，所以就決定一戰。 開心果檸檬蛋糕 $50另外一個餐牌推介，應該係期間限定。面層滿滿嘅開心果一入口已經夠晒香口。入面係一層好軟熟嘅檸檬蛋糕，口感已經攞晒分。蜜糖芝士奶蓋糯米窩夫 $112首先賣相已經一流。原粒青提夠甜，底有手工蜜瓜醬好特別。窩夫面頭少少脆，內裡少少軟我好鍾意，面加咗啖啖嘅芝士奶蓋，好香滑，但最精彩係碟中間嗰一大舊忌廉芝士，我忍唔住大口大口直接隊入口，嗰種濃濃嘅芝士味加埋厚身嘅口感，簡直正到暈暈地。用窩夫掘一pat一齊食又得，加埋幾甜又會痴牙嘅焦糖脆脆又係咁夾。食完知後，慢慢食埋枝啖啖嘅牛奶雪條，俾自己冷靜下，最後飲埋杯$38 凍美式咖啡，完美嘅下午茶，舒服晒。