Video
Read full review
2022-08-15
367 views
男朋友因為喺社交平台螺絲粉關注組見到葵興新開左一間螺螄粉店，所以就拉埋我一齊去食。———————————————————————之前都有試過旺角同深水埗新開嘅螺螄粉，都係覺得麻麻地，但係呢一間嘅螺螄粉真心令我覺得唔錯～———————————————————————咁我同男朋友就嗌咗一個湯同埋一個乾撈螺螄粉，因為我哋都唔係幾食得辣所以兩個都嗌咗BB辣，仲有得揀油麥菜或者通菜，兩碗都揀咗通菜。———————————————————————我就覺得乾撈呢個比較辣，因為冇湯覺得比較油膩，但係老細好貼心，俾埋碗湯我哋，同我哋講如果辣就加啲湯，個湯其實就係煮螺螄粉嘅湯，我自己本身口味比較淡，所以就咁飲湯會覺得個湯有少少鹹，但係撈埋落啲粉度就啱啱好，而且個粉本身送上嚟嘅時候因為熱所以粉會癡成一團😂，有碗湯可以方便撈開啲粉～～個粉男朋友覺得稍微淋咗少少，個虎皮豬手都好食～口感好正～易入口———————————————————————我自己就比較鍾意湯螺螄粉，食落冇咁油，比起撈螺螄粉清淡，而且湯加粉咁食好食好多，可能我食唔慣撈🫣，粉因為有湯浸住唔會好似撈粉咁痴埋一舊而且唔會太淋，湯都好鮮甜，好食～而仲有
———————————————————————
之前都有試過旺角同深水埗新開嘅螺螄粉，都係覺得麻麻地，但係呢一間嘅螺螄粉真心令我覺得唔錯～
———————————————————————
咁我同男朋友就嗌咗一個湯同埋一個乾撈螺螄粉，因為我哋都唔係幾食得辣所以兩個都嗌咗BB辣，仲有得揀油麥菜或者通菜，兩碗都揀咗通菜。
———————————————————————
我就覺得乾撈呢個比較辣，因為冇湯覺得比較油膩，但係老細好貼心，俾埋碗湯我哋，同我哋講如果辣就加啲湯，個湯其實就係煮螺螄粉嘅湯，我自己本身口味比較淡，所以就咁飲湯會覺得個湯有少少鹹，但係撈埋落啲粉度就啱啱好，而且個粉本身送上嚟嘅時候因為熱所以粉會癡成一團😂，有碗湯可以方便撈開啲粉～～個粉男朋友覺得稍微淋咗少少，個虎皮豬手都好食～口感好正～易入口
辣螺友乾撈螺螄粉
$48
14 views
0 likes
0 comments
———————————————————————
我自己就比較鍾意湯螺螄粉，食落冇咁油，比起撈螺螄粉清淡，而且湯加粉咁食好食好多，可能我食唔慣撈🫣，粉因為有湯浸住唔會好似撈粉咁痴埋一舊而且唔會太淋，湯都好鮮甜，好食～而仲有個炸蛋，唔知係咪因為浸咗啲湯所以有啲鹹，但係男朋友表示好食😂
辣螺友螺螄粉
$45
15 views
0 likes
0 comments
———————————————————————
螺螄粉真係有螺螄㗎！！！！仲要有好多！！
———————————————————————
老闆之後仲請我哋食虎皮鴨掌！！！但係因為我唔食所以就只可以俾男朋友清晒🫠，不過見男朋友食得好滋味，食完仲一臉回味咁望住我😑就咁睇佢啲反應應該覺得唔錯
虎皮鴨掌
9 views
0 likes
0 comments
———————————————————————
總結：對於口味偏淡嘅人可能會覺得有少少鹹，食完翻屋企之後係真係有陣味圍繞住喺個身度😂屋企人一聞到就問我係咪食咗螺螄粉🫠其實48蚊同喺旺角深水埗嗰兩間價錢差唔多，但係呢個真心推薦大家試下，老細同店員都好好人好細心，見到我哋書包擺地下就問我哋要唔要擺喺後面，見到我哋飲晒啲嘢但仲好似唔夠仲問我哋要唔要沖多杯嘢飲俾我哋😳😂實在唔好意思麻煩佢哋所以拒絕咗，而且有女客人拎外賣仲會擔心外賣多得淨客人拎唔到係咁要幫手拎出去，真係好細心🫣🥰。
睇得出佢哋唔係為咗賺錢先搞呢間鋪，係真係想俾人試下好食嘅螺螄粉，而且真係好有人情味🥰好推薦大家去try try~~
Post
