食意 (Closed)

最近係深水埗番工或居住的朋友相信一定都聽過依間餐廳，事關佢最近做緊個promotion，星期一至五午餐時間買一送一，所以小弟之前都同同事黎過食，覺得幾好食所以今次先叫埋屋企人黎一齊食lunch今次我地分別叫左三個餐，而主菜未上前都會有餐包或沙律揀，同埋有餐包添。咁今日餐湯係蘑菇濃湯，而我地三個都不約而同咁揀左飲湯哈哈。咁個湯都算有幾香蘑菇味，入口綿滑，不過如果可以再濃味少少就好la而個麵包我就覺得一般，普普通通不過瑕不掩瑜，好戲在後頭首先第一道主菜-美國肉眼扒配柚子醬，扒我地就叫左七成熟，入口煮得岩岩好，嫩滑而帶咬口，而且肉味頗濃郁，最特別就係配搭ge柚子醬，幾清新但又唔會蓋過牛肉味，令人食指大動而第二道主菜 - 忌廉煙三文魚直紋窄通粉，鐘意creamy 味道食物的朋友就不可不試，濃厚的忌廉汁加上芝士和煙三文魚，十分惹味最後的一道主菜 - 芝士牛肉醬千層闊條麵，即叫即焗，都幾好味餐廳最後仲送左每人一個雲喱拿奶凍，雲喱拿味好香濃，又夠香滑，正，簡直係今餐最佳結尾