醒辰冰室 (東匯坊)

Open Now

Now Closed

真心，唔想大家唔開心。經過大家樂，勁多人，又打風，有所以去咗呢間冰室。以前都有去過一次，覺得都正正常常，點知今次差咗一百倍。叫咗一個T set乾炒牛河，一上枱覺得份量好少，冇所謂，因為都唔食得多，滿心期待好味就可以，點知完全冇鑊氣，牛肉又好少。再叫咗個日式咖喱豬扒飯，因為打算唔煮晚餐了，又點知，個豬扒好似柴皮咁，真係勁硬🫠。我自己買急凍豬扒煮，都會解凍下，先至去煮，真係冇可能咁硬，都唔知係雪咗好耐，定係放咗好耐，心情低落度都唔係好想去研究點解佢可以咁硬。既然叫咗，就打算食啲，叫做唔好浪費自己金錢，食到一半，有一個極之青春嘅侍應行過，真係行過，完全冇話要收我地嘅碟，或者要整理我張枱嘅意思，突然伸出隻手，就拎走咗我食到一半嘅咖喱豬扒飯，我哋當然立即叫住佢（份量已經少，又唔好食，但求食完當晚餐，今晚煮少一餐)，佢冇反應，繼續行多兩步，我哋就再大聲啲叫多兩句，未食完，佢繼續目不斜視地沒有正視我哋，好勉強地轉返身，放返低隻碟。我明白而家啲年青人，唔可以被責怪，所以佢要扮聽唔到，直行直過，但係真係未食完，食到一半，可唔可以用常理去工作仲可以加一🫠🫠🫠🫠🫠🫠