Video
Read full review
2017-03-20
2731 views
日前睇新聞，話檀島中環店結業，老實講，無乜感覺。不管你是甚麼老字號、賣甚麼情懷，甚至是以本土、小店為賣點；如果基本野，包括食物質素、服務，同價錢都做得唔好的話，被市場淘汰，自是必然。中環店好耐無食過，但灣仔店日前才食過無耐，呢個講法放上去，絕對用得著。當日因為要到灣仔開會，開完會都成十點，諗住食早餐，有人提議去「瑞士架啡室」，但人在地鐵站附近，近近地，就去檀島，姑且試下，話晒奶茶出名。一坐低，睇餐牌，一個全世界的茶餐廳都係做33~35蚊左右的火腿通煎雙蛋早餐，佢賣$40，唔通真係好食 d？都無其他選擇，唯有照叫。由始至終，侍應站在一旁，唔好話我主觀，我覺得佢有少少不耐煩，可能心想：點解在無乜選擇的情況下，都可以諗咁耐？Order完無耐，真係無耐，一分鐘內，所有食物到齊；如果以此來評為效率，不諱言是超高的。但食物，全是冷的！牛油餐包，凍；煎雙蛋，凍；火腿通，微暖；連杯奶茶，都係微暖！唔係我一份係咁，全檯3個人，exactly一樣同等對待！味道呢？求其找間茶餐廳食，唔好話一定好食過佢，但真係好難會再差！連最出名的奶茶，都只能講： OK 啦！至於其他出名的「名物」如蛋撻，當日無試；而當日之後
不管你是甚麼老字號、賣甚麼情懷，甚至是以本土、小店為賣點；如果基本野，包括食物質素、服務，同價錢都做得唔好的話，被市場淘汰，自是必然。
中環店好耐無食過，但灣仔店日前才食過無耐，呢個講法放上去，絕對用得著。
當日因為要到灣仔開會，開完會都成十點，諗住食早餐，有人提議去「瑞士架啡室」，但人在地鐵站附近，近近地，就去檀島，姑且試下，話晒奶茶出名。
一坐低，睇餐牌，一個全世界的茶餐廳都係做33~35蚊左右的火腿通煎雙蛋早餐，佢賣$40，唔通真係好食 d？都無其他選擇，唯有照叫。
由始至終，侍應站在一旁，唔好話我主觀，我覺得佢有少少不耐煩，可能心想：點解在無乜選擇的情況下，都可以諗咁耐？
Order完無耐，真係無耐，一分鐘內，所有食物到齊；如果以此來評為效率，不諱言是超高的。
但食物，全是冷的！
牛油餐包，凍；煎雙蛋，凍；火腿通，微暖；連杯奶茶，都係微暖！唔係我一份係咁，全檯3個人，exactly一樣同等對待！
味道呢？求其找間茶餐廳食，唔好話一定好食過佢，但真係好難會再差！
連最出名的奶茶，都只能講： OK 啦！
至於其他出名的「名物」如蛋撻，當日無試；而當日之後，亦無諗過會再幫襯。
食$40港式早餐無問題，但咁嘅質素、咁嘅服務，賣咁嘅價錢，你問我仲會唔會有下次呢？
真係後悔無行遠 d，去其他地方食早餐；又係結論，人，千祈唔好懶，否則最後受罪的，都是自己！
無論你曾經幾好出名、幾有江湖地位，幾老字號都好，做得唔好，就要消失！自毀長城，有時是自己攞嚟！好多人討厭食連鎖飲食集團，覺得令本土小店無生存空間；我都唔鍾意去到邊都係太興翠華大家樂，但果班sell本土、賣情懷的小店，唔該真係要努力同反省；如果只係趁自己當紅時，d 野賣到貴一貴，但又做唔出水準，究竟有幾多人會盲目支持？
都係果句，本質野都做唔好，執左都唔會有人同情及懷念的。
Post