翠苑甜品專家 (北角道)

Open Now

Now Closed

同朋友食完飯耳猶未盡，想搵間野食下糖水！但北角好似冇咩糖水鋪，記得地鐵出口附近好似有甜品店，於是走過去睇下，見到有2間糖水鋪。一間中式老鋪，一間係西式少少嘅甜品店，最後我哋不約而同想食舊式老鋪！其實我哋去到時都只不過係七點幾、八點，雖然唔駛等位但都幾多人！雖然係中式糖水，但款式都唔少！所有嘅精選甜品。最後叫咗桑寄生紅棗蓮子蛋茶！先試一啖個水，甘甘地、有紅棗味道，其他地方飲一般都係甜甜地，呢度嘅甜度比較低，少許甜！感覺甜味係來自桑寄生嘅甘味，但有好濃厚嘅感覺，所以知道一定好足料！蓮子也有很多，差不多有半碗，好適合鐘意食蓮子嘅我。睇隻蛋嘅顔色就知道好入味啦！