LAB10 (Under Renovation)

嗰晚約咗細佬喺朗豪坊睇戲，睇戲前就揀咗去呢間韓燒食晚飯，B + C + D = HK$298/位 + 10%服務費，就有90分鐘任食37款食物和任飲8款汽水和水果味梳打。初初我以為會唔夠時間食，原來我細佬經驗豐富，開大個火和邊食邊燒，叫咗7轉嘢食之後，70分鐘左右，我哋巳經食飽晒嚕😙🥩 牛拼盤．厚切牛舌 — 真係好厚切😍．一口牛 — 切得好似太大粒，要燒好耐．安格斯牛板腱 — 靚靚肉，花紋均勻，入口重牛味，值得食完再點．牛脊肉 — 肥嘅比例多一啲，燒完肉質軟嫩，encore咗好多份．牛肩肉 & 首爾牛肋條 — 牛肉味濃郁又啖啖肉😋*🥩 韓式梨汁牛五花．一整碟，薄切片，一燒就熟，食得😋🥩 特級牛柳．必食推介，肉質軟嫩，調味了得，也encore咗好多份🍖 豬類．食咗豬頸肉、香蔥豬梅花肉、豬五花、 燒豬柳 — 調味唔錯，不過肥肉比列多啲*🦑 海鮮類．魷魚、廣島蠔 — 鮮甜、美味呀😋🍚 熟食類．唐揚炸雞 — 炸得唔錯、香口薄皮、軟嫩多汁．韓式豆腐湯 — 湯好辣吓喎！．鵪鶉蛋紫菜飯 — 撈勻蛋汁和醬油飯，之後用紫菜包住啲飯食，幾好，不過醬油比較淡味🥗 沙律吧和甜品 — 在店中間位置．雜菜沙律