黑龍 (Closed)

臨時臨急要落砲台山開會，上次經過呢條街好多間餐廳。原本想食韓國野，不過一點鐘太多人等位。。。見到呢間拉麵好似唔錯咁，一於入去試下啦。一入去講中文兩位，發覺服務員聽唔明，再講下我先知佢真係日本人。咁睇來應該會唔錯喎。有點心紙俾你慢慢揀，仲可以每個細項挑選，又幾細心。其實佢吸引我入來係因為佢有沾麵😍😍麵到，係粗身拉麵，粗到有少少似烏冬。叫左個熱麵，不過送上來又唔係好熱咁。麵質幾好，口感好彈牙。沾麵汁幾濃，唔會過咸，不過都係唔夠熱同埋唔算稠身。個牛筋又幾入味。食完沾麵個汁就加啲鰹魚湯上去飲下先。反而呢個鰹魚湯係全場最夠熱🙈。總括來講，係okay既。可以肚餓時來試下。