醉藥雞 (福榮街)

Open Now

Now Closed

醉藥雞個名幾特別，望落正正經經，一讀出黎"最弱雞"，夠哂惹人注意。但呢度啲野食一啲都唔弱雞，有翅、鮑魚、海鮮、鵝肝食架。今日我就同朋友黎到深水埗“醉藥雞”食午餐，我叫左三個美食品嚐，有砂鍋雞湯翅、醉鵝肝同麻辣雞腎。雞湯翅，一大鍋，翅同雞件都唔少，個湯金黃色，一睇就知淆左好耐，好濃好有雞油香，裏面仲有金華火腿。雞件嫩，魚翅爽，成煲比我地飲得乾亁淨淨。醉鵝肝，本身都考慮緊叫唔叫呢個好，驚好漏同好膩，但都係想試下。鵝肝一啲都唔膩，個汁完全剛剛好，唔會太酒味，又唔會太甜👍麻辣雞腎，唔算太辣，有麻麻既感覺，雞腎爽口。一路食一路聽到隔離枱係咁讚，我心裏面都好鬼認同，真係正。